أشياء نحبها
This article is also available in
.
Switch Language
٤ اشياء حلوة و بتسلي ممكن تعملها انت و بوسط البلد
بيتميز Downtown عنا انه منطقة قديمة وحلوة، بتذكرنا بايام زمان و بجدودنا لما كانو يننزلو يشترو اغراضهم من هناك، ما ضل الموضوع بس عند جدودنا نحن كمان مننبسط لما ننزل عالبلد و هي احلى اربع اشيا ممكن تسويها لما تنزل:
١. فطور مرتب عند هاشم البلد
بتقدر تبدا نهارك بفطور ما اله شبيه بهاشم البلد اللي بيتميز بفطوره العربي المتنوع من فول، حمص، فلافل، مسبحة وغيره. هالمحل قديم كتير وعريق، واغلب اللي بينزل عالبلد بيحب يجربه لسمعته الحلوة.
٢. تمشاية بالسوق الشعبي القديم
كتير حلو الدمج بين القديم والجديد وما ننسىى زمان كيف كانوا يعملو الاشيا و يبيعوها. هالسوق مليان بالاغراض اللي ما منلاقيها اللا بالبلد ومننزل خصوصا مشان نجيبها.
٣. تحلاية عذوقك من عند حبيبة
اول اشي بيلفت انتباهك هو الطابور الطويل اللي عند المحل واكيد مو عالفاضي، رح تفهموا قصدي لما تنزلوا وتدوقوا ازكى كنافة بالبلد.
٤. زيارة جبل القلعة
بتقدر تختم هالنزلة المرتبة بزيارة فخمة لجبل القلعة اللي بيتميز بالآثار الكتيرة الموجودة فيه من ايام الامبراطور الروماني اوريليوس اللي نصب تمثال لهرقل عند معبد هرقل، يعني حلو ترجع تتزكر حصص التاريخ اللي كنت تاخدها بالمدرسة.